Yaponiya çempionatından inqilabi qərar: Heç-heçə ləğv olundu

Yaponiya J-Liqası 2026-cı ildə keçiriləcək 100-cü mövsüm münasibətilə əhəmiyyətli yeniliyə imza atıb.

Publika.az xəbər verir ki, çempionatda heç-heçə nəticələri müvəqqəti olaraq ləğv edib.

Yeni qaydaya əsasən, 90 dəqiqəlik əsas vaxtdan sonra hesab bərabər olarsa, qalib penaltilər seriyasında müəyyənləşəcək. Penaltilərdə qalib gələn komanda iki xal qazanacaq, məğlub tərəf isə bir xalla kifayətlənəcək. Əsas vaxtda qələbə qaydası dəyişməz qalır. Qalibə 3 xal verilir, məğlub olan isə xal qazanmır.

Liqanın təşkilatçıları bildiriblər ki, belə qərarın verilməsində məqsəd oyunların həyəcan səviyyəsini artırmaq və heç-heçələrin sayını azaltmaqdır. Qaydanın rəsmi olaraq müvəqqəti olduğu vurğulansa da, uğurlu olacağı təqdirdə gələcəkdə yenidən nəzərdən keçirilə biləcəyi istisna edilmir.

Bu qayda yalnız 2026-cı ilin keçid mövsümünə şamil olunur və fevraldan iyun ayına qədər qüvvədə olacaq.

Yaponiya çempionatı təqvimini Avropa mövsümünə uyğunlaşdırır, yeni sistemə əsasən mövsüm avqust və ya sentyabrda başlayacaq.

Heybət