Kloppun agenti açıqladı: Bu klublardan təklif alıb

“Liverpul”un sabiq baş məşqçisi Yurgen Kloppun agenti Mark Kositske almaniyalı mütəxəssisin aldığı təkliflərdən danışıb.

Publika.az xəbər verir ki, o, “Mançester Yunayted” və “Çelsi”nin müştərisinə müraciət etdiyini bildirib:

“Hazırda onun yenidən məşqçiliyə qayıdacağını təsəvvür etmirəm, çünki yeni rolundan çox razıdır.

Bəlkə nə vaxtsa yenidən paltardəyişmə otağının atmosferini hiss etmək istədiyini deyəcək. Amma indi o, öz vəzifəsindən çox məmnundur. “Red Bull”a qoşulmazdan əvvəl Yurgen ABŞ və ya İngiltərə millilərinin baş məşqçisi ola bilərdi. Hətta Almaniya yığması da mümkün idi, əgər orada Yulian Naqelsmann olmasaydı.

Hətta ‘Çelsi’ və ‘Mançester Yunayted’ də müraciət etmişdi, baxmayaraq ki, Yurgen İngiltərədə başqa bir klubu çalışdırmayacağını açıq şəkildə bildirib. Bu müraciətlər isə dayanmayıb”.

Klopp 2024-cü ilin mayında 9 mövsüm çalışdığı “Liverpul”dan ayrılıb. O, “Red Bull” konsernində futbol əməliyyatlarının rəhbəri vəzifəsinə təyin olunub.

Heybət