Medinadan təsirli paylaşım: Daha güclü qayıdacağıq

"Çempionlar Liqası ilə vidalaşdıq, amma başımız dik, qəlbimiz dolu şəkildə ayrıldıq".

Publika.az xəbər verir ki, bu sözləri "Qarabağ"ın futbolçusu Kevin Medina "İnstaqram" hesabında paylaşıb. Kolumbiyalı müdafiəçi dünyanın ən böyük klub turnirində Ağdam klubunu və Azərbaycanı təmsil etdiyi üçün qürur duyduğunu bildirib:

"Qarabağ" klubunu və Azərbaycanı dünyanın ən böyük klub turnirində təmsil etmək böyük qürur idi. Sonadək mübarizə apardıq, çətinlikləri dəf etdik, unudulmaz gecələr yaşadıq və göstərdik ki, zəhmət və birliklə ən yüksək səviyyədə rəqabət aparmağa qadirik. Hər oyun bir döyüş idi, meydandakı hər anı ehtiras və məsuliyyətlə yaşadıq. Yolumuz burada bitsə də, yerinə yetirilmiş missiya hissi və meydanda hər şeyimizi qoyduğumuza dair əminlik qalır"

O, bu yolda onların yanında olan hər kəsə təşəkkür edib:

"Komanda yoldaşlarıma, məşqçilər heyətinə, klubun üzvlərinə və ən əsası, heç vaxt inanmağı və dəstəkləməyi dayandırmayan azarkeşlərimizə təşəkkür edirəm. Siz hər stadionda, hər dəqiqədə bizim gücümüz oldunuz. Daha gücl, daha təcrübəli ayrılırıq. Və daha yaxşı qayıdacağıq. Keçdiyimiz yol ilə qürur duyuram. Bu son deyil, yolumuzda daha bir addımdır".

Qeyd edək ki, "Qarabağ" UEFA Çempionlar Liqasında pley-off mərhələsinədə çıxışını başa vurub. Komanda bu raundda İngiltərənin "Nyukasl" klubuna hər iki oyunda məğlub olub - 1:6 və 2:3.

Heybət