"Qarabağ" "Nyukasl"ın qapısına daha bir qol vurdu - Yenilənir

UEFA Çempionlar Liqasının pley-off mərhələsinin "Nyukasl" (İngiltərə) - "Qarabağ" matçında hesab yenidən dəyişib.

Publika.az xəbər verir ki, "Sent-Ceyms Park" stadionunda keçirilən matçda Ağdam təmsilçisi meydan sahiblərinin qapısından ikinci qolu keçirib - 3:2.

57-ci dəqiqədə əllə oyuna görə təyin olunan penaltini Marko Yankoviç yerinə yetirib. Rəqib qapıçı ilk zərbəni qaytarsa da, geri dönən topu Elvin Cəfərquliyev dəqiq tamamlayıb.

xxx

01:10

UEFA Çempionlar Liqasının pley-off mərhələsinin "Nyukasl" (İngiltərə) - "Qarabağ" matçının ikinci hissəsində ardıcıl iki qol vurulub.

Publika.az xəbər verir ki, "Sent-Ceyms Park" stadionunda keçirilən matçda əvvəlcə "Qarabağ" buraxılan qollardan birinin əvəzini çıxıb - 2:1.

51-ci dəqiqədə Kamilo Duran hesab arasındakı fərqi azaldıb. Lakin 1 dəqiqə sonra meydan sahiblərinin heyətində Sven Botman fərqlənərək yenidən komandasının üstünlüyünü möhkəmləndirib - 3:1

xxx

00:23

UEFA Çempionlar Liqasının pley-off mərhələsinin "Nyukasl" (İngiltərə) - "Qarabağ" matçında ikinci qol vurulub.

Publika.az xəbər verir ki, "Sent-Ceyms Park" stadionunda keçirilən matçda ev sahibləri hesabdakı üstünlüklərini artırıblar - 2:0.

Joelinton 6-cı dəqiqədə tablonu hərəkətə gətirib.

xxx

00:06

UEFA Çempionlar Liqasının pley-off mərhələsinin "Nyukasl" (İngiltərə) - "Qarabağ" matçında ilk qol vurulub.

Publika.az xəbər verir ki, "Sent-Ceyms Park" stadionunda keçirilən matçda ev sahibləri hesabı açıblar.

5-ci dəqiqədə Sandro Tonali adını tabloya yazdırıb.

xxx

00:00

UEFA Çempionlar Liqasının pley-off mərhələsinin "Nyukasl" (İngiltərə) - "Qarabağ" matçı start götürüb.

Publika.az xəbər verir ki, qarşılaşma "Sent-Ceyms Park" stadionunda keçirilir.

Görüşü italiyalı FIFA referisi Davide Massa idarə edir.