İdman

“Barsa”da hər şeyə Messi qərar verirmiş? - Sabiq prezident sirri açdı

24 Mart 2026 11:51

“Barselona”nın sabiq prezidenti Xosep Bartomeu klubun əfsanəsi Lionel Messinin klubdakı əsas qərarlarda iştirak etmədiyini bildirib.

Publika.az xəbər verir ki, AS Bartomeunun sözlərini sitat gətirib:

“Hər kəs Leonun “Barselona”da olduğu dövrdəki təsirindən danışır. Amma Messi oyunçu transferləri və ya məşqçilik təyinatları ilə bağlı qərarlar vermirdi, onun heç bir imtiyazı yox idi. İdman sahəsindən kənarda heç bir məsələdə söz sahibi olmayıb.

2020-ci ilin avqust ayında Messi getmək istəyəndə mən ona “yox” dedim, çünki o, bizim ən vacib aktivimiz və əsas gəlir mənbələrimizdən biri idi. Onu buraxa bilməzdim, üstəlik, onun qüvvədə olan müqaviləsi var idi. Düşünürəm ki, bunu başa düşürdü və buna görə də qaldı.

O, klub rəhbərliyinin bir neçə ay ərzində dəyişəcəyini və müqaviləsini yeniləyəcəyini gözləyirdi. Müqavilənin uzadılması vaxtı gələndə onunla yolları ayıranda təəccübləndi”.