Ulduz futbolçu 24 saat qumar oynadı - FOTO

“Santos” un hücumçusu Neymar həftəsonunu onlayn poker oynayaraq keçirib.

22 martda “Santos” “Kruzeyro” ilə qarşılaşdı (0-0). Neymar rəsmi olaraq “iş yükünün bölüşdürülməsi”ni əsas gətirərək oyunu buraxdı.

Publika.az xəbər verir ki, “Portal Leo Dias”ın məlumatına görə, braziliyalı bütün həftəsonu onlayn poker oynayıb. Cümə günü ailəsi ilə oynayıb, şənbə günü 7,5 saat onlayn turnirdə iştirak edib, bazar günü isə 9 saat oynayıb. Ümumilikdə, Neymar bu müddət ərzində təxminən 24 saat onlayn vaxt keçirib ki, bunun 16-dan çoxu turnirdə olub.

Məlumata görə, Neymar ilkin iştirak haqqı üçün 5000 dollardan çox pul ödəyib və daha sonra yenidən iştirak üçün 20.000 dollardan çox pul xərcləyib (məğlub olduqdan sonra turnirə qayıtmaq imkanı). Bu o deməkdir ki, braziliyalı ən azı dörd dəfə mübarizədən kənarlaşdırılıb.

Bazar ertəsi günü Neymar onlayn turnirdə iştirak etdiyini təsdiqləyib:

“Bəli, onlayn oynadım. Çıxışımdan çox məmnunam, işlərim yaxşıdır. Təəssüf ki, iş yükünün bölüşdürülməsi səbəbindən o günlərdə oynamadığım üçün futboldan kənarda ən çox sevdiyim işlə – pokerlə məşğul olmağa vaxtım oldu. Gündüzlər oynayırdım”.