İdman

Qalmaqallı futbolçu həbs oluna bilər: Yenə dinc dayanmadı

30 Mart 2026 14:42

Almaniyalı futbolçu Jerom Boateng ölkəsində həbs cəzası ilə üzləşə bilər.

Publika.az xəbər verir ki, bu barədə "Bild" nəşri məlumat yayıb.

Müdafiəçinin sürücülük vəsiqəsi ləğv edilsə də o, avtomobil idarə edib və hüquq-mühafizə orqanları tərəfindən saxlanılıb.

Bundan əlavə, futbolçunun adı daha əvvəl şəxsi həyatı ilə bağlı qalmaqallarda da hallanıb. Xüsusilə, keçmiş sevgilisinə qarşı zorakılıq iddiaları Almaniyada ciddi hüquqi məsuliyyət yaradan hallar kimi qiymətləndirilir.

Bildirilir ki, bu pozuntuların cəmi nəticəsində Jerom Boateng maksimum bir ilədək azadlıqdan məhrum edilə bilər.

Qeyd edək ki, 2021-ci ildə futbolçunun keçmiş sevgilisi, model Kasiya Lenhardt evində ölü tapılmışdı. Lakin aparılan istintaq nəticəsində Jerom Boatengin həmin hadisədə hər hansı iştirakı sübuta yetirilməmişdi.

Heybət