Azərbaycan Premyer Liqasında komanda sayı artırılır? - Rövşən Nəcəf açıqladı

Azərbaycan Premyer Liqasında komanda sayı yenidən artırıla bilər.

Publika.az xəbər verir ki, bunu AFFA-nın prezidenti Rövşən Nəcəf mətbuat konfransında deyib.

Qurum rəhbərinin sözlərinə görə, komanda sayının artırılması müzakirə mövzusudur:

"Lakin burada əsas məsələ infrastrukturun hazırlığıdır. Biz potensial olaraq hansı klubların çıxış edə biləcəyini və onların infrastrukturunu düzgün qiymətləndirməliyik. Məqsədimiz odur ki, çempionatda mübarizə aparacaq bütün klubların stadion məsələsini tam həll edək. Elə olmamalıdır ki, say artımı xatirinə bəzi klublara güzəşt edilsin və bu, ümumi balansı pozsun. Biz həm futbolun davamlılığını, həm də infrastrukturun səmərəliliyini artırmağa çalışırıq. Bu, çox incə bir balansdır".

Hazırda bu məsələni uzun müddətdir müzakirə edirik. İcraiyyə Komitəsinin növbəti iclaslarından birində bununla bağlı müvafiq qərarların verilməsi nəzərdə tutulur".

Qeyd edək ki, cari mövsümdə Premyer Liqada iştirakçı sayı artırılaraq 12-yə çatıdırılıb.

Müəllif: Heybət