Həyat yoldaşını qarabaqara izləyən gözəlin sevinc göz yaşları: Sənə minnətdaram - FOTOLAR

Bosniya və Herseqovina milli futbol komandası pley-off mərhələsində Uels və İtaliyanı məğlub edərək sensasiyalı şəkildə dünya çempionatına vəsiqə qazanıb.

Publika.az xəbər verir ki, oyunda bosniyalılar əsas vaxt ərzində Canluici Donnarummanın qoruduğu qapıya qol vurmağa çalışıb və nəhayət, 79-cu dəqiqədə hesabı bərabərləşdiriblər. Qolu "Borussiya Mönhenqladbax" klubunda çıxış edən hücumçu Haris Tabakoviç vurub. Penaltilər seriyasında da o, həm İtaliyaya, həm də Uelsə qarşı dəqiq zərbələrlə seçilib.

Final fitindən sonra Zenitsa şəhərindəki stadionda bir qadın sevincdən göz yaşlarını saxlaya bilməyib. Bu, Haris Tabakoviçin həyat yoldaşı Sabrina Tabakoviç olub. O, həm Kardiffdə, həm də Zenitsada Bosniya və Herseqovinanı dəstəkləyib və komandanın mundialdakı qrup oyunları üçün Toronto, İnqlvud və Sietlə də yollanacaq. Balkan təmsilçisi bu şəhərlərdə İsveçrə, Qətər və Kanada ilə qarşılaşacaq.

İtaliya üzərində tarixi qələbədən bir neçə gün sonra Sabrina emosional paylaşım edərək həyat yoldaşına təşəkkür edib:

"Bu günə qədər sənin mənə futboldan kənarda da nəsə axtardığını dediyin günü xatırlayıram, çünki gələcəkdə səni nə gözlədiyini bilmirdin. İndi isə beş il sonra sən dünya çempionatında oynayacaqsan! Mən heç vaxt bundan daha böyük qürur hissi keçirməmişəm. Sizin ehtirasınız, gücünüz və özünüzə inamınız sözlə ifadə olunmayacaq qədər ilhamvericidir. Sən yalnız arzularını reallaşdırmırsan, həm də başqalarına nümunə olursan. Sənin yanında olduğum üçün sonsuz dərəcədə minnətdaram!"

Qeyd edək ki, Haris və Sabrina 21 iyun 2024-cü ildə evləniblər. Tabakoviç həmin vaxt "Herta"da çıxış edir və II Bundesliqada komandanın əsas fiqurlarından biri idi. Hücumçu 34 oyunda 22 qol vurmuşdu. Toydan dərhal sonra isə o, "Hoffenhaym" ilə müqavilə imzalayıb.

Sabrina peşəkar modeldir və sosial şəbəkə profilində Münhen və Düsseldorf şəhərlərində yaşadığını qeyd edir. Düsseldorf Mönhenqladbaxa yaxın yerləşir və Haris 2025-ci ilin yayından bəri burada çıxış edir.

O, demək olar ki, "Borussiya Mönhenqladbax"ın bütün oyunlarına qatılır və bəzən səfər matçlarına da gedir. Görünür, bu dəstək Tabakoviçə müsbət təsir göstərir. O, bu mövsüm artıq Mönhenqladbax üçün 13 qol vurub.

Publika.az