Qapıçı azarkeşi yumruqladı, cəzasız qaldı - VİDEO

İngiltərə Milli Liqası Cənub zonası çərçivəsində keçirilən "Enfild Taun" - "Çelmsford Siti" matçında qalmaqallı hadisə baş verib.

Publika.az xəbər verir ki, meydan sahiblərinin qapıçısı Co Rayt rəqib komandanın azarkeşinə qarşı aqressiv davranışı ilə gündəmə gəlib.

Qapıdan zərbə vurmağa hazırlaşan Rayt qəfil tribunaya tərəf dönərək azarkeşlərə yaxınlaşıb və onlardan birinə yumruq atıb. Bundan sonra isə qapıçı heç nə olmamış kimi oyuna davam edib.

Bu epizod stadionda olan təxminən 2200 tamaşaçı arasında şok yaradıb və narazılıq səsləri yüksəlib. Hadisəyə görə oyun təxminən yeddi dəqiqə dayandırılıb.

Maraqlıdır ki, hakimlər insidenti görmədiyi üçün Rayt oyun zamanı qırmızı vərəqədən yayınıb. Lakin final fitindən sonra o, təhlükəsizlik əməkdaşlarının müşayiəti ilə stadiondan çıxarılıb.

Hadisə qısa müddətdə sosial şəbəkələrdə geniş rezonans doğurub. Hər iki klub əvvəlcə məsələ ilə bağlı paylaşım etsə də, sonradan bu paylaşımlar silinib. Xüsusilə "Çelmsford Siti" nümayəndələri zərbəni təsdiqləyən video sübutların olduğunu bildiriblər.

Hazırda məsələ ilə İngiltərə Futbol Assosiasiyası məşğul olur və artıq araşdırma başlanıb.

Qalmaqala baxmayaraq, oyun "Çelmsford Siti"nin 3:0 hesablı qələbəsi ilə başa çatıb.

Heybət

Yesterday the Enfield Town goalkeeper turned round and punched a fan in the face pic.twitter.com/SEPH7oGbNZ

— The 44 (@The_Forty_Four) April 4, 2026