“Bunların hamısı boş söhbətdir!" - Palmer

“Çelsi”nin yarımmüdafiəçisi Koul Palmer “Mançester Yunayted”ə keçmək istəməsi barədə yayılan şayiələrə münasibət bildirib.

Publika.az xəbər verir ki, o, “The Guardian”a açıqlamasında iddiaları təkzib edib:

“Bunların hamısı boş söhbətdir. Belə xəbərləri görəndə sadəcə gülürəm. Aydındır ki, Mançester mənim evimdir, ailəm də oradadır, amma darıxmıram. Ola bilər ki, üç ay və ya daha uzun müddət getməsəm, darıxım. Amma qayıdanda anlayıram ki, mənim üçün orada xüsusi bir şey yoxdur.

“Çelsi”dən ayrılmaq planım yoxdur. Qarşıda bizi çox vacib hədəflər gözləyir. İngiltərə Kubokunun yarımfinalında “Lids”lə oyunumuz var və mövsümü Çempionlar Liqası zonasında başa vursaq, bu, bizə lazım olan futbolçuları transfer etməyə kömək edəcək. Biz klub sahibləri ilə danışmışıq, onlar nəticə verəcək oyunçulara inanırlar. Ris Ceyms rəhbərliklə danışmadan 6 illik müqavilə imzalamazdı.

Biz Ris ilə tez-tez müzakirə edirik ki, komandaya nə lazımdır, hansı futbolçular transfer olunmalıdır və sistem necə işləməlidir. O, baş verənləri anlamadan müqaviləsini uzatmazdı”.

Cari mövsümdə Koul Palmer “Çelsi”nin heyətində bütün turnirlərdə 27 oyuna çıxaraq 10 qol vurub və 3 məhsuldar ötürmə edib.