“Real”da Alonsoya “torba”nı o tikibmiş – Mbappenin yaxınları açıqladı

“Real Madrid”in hücumçusu Kilian Mbappeyə yaxın olanlar hesab edirlər ki, hazırda fransız oyunçunu futbola diqqət yetirməyən və futboldan kənarda aktiv həyat tərzi sürən biri kimi təqdim etməyə cəhd edilir.

Publika.az xəbər verir ki, bu barədə “El Chiringuito”dakı işi ilə tanınan ispaniyalı jurnalist və aparıcı Xosep Pedrerola məlumat verilib.

“Mundo Deportivo” qəzeti Pedreroldan sitat gətirib:

“Mbappeyə yaxın olanlar mənə deyirlər ki, o, Alonsonun komandadan Vinisiusun sayəsində qovulduğuna inanır. Paltardəyişmə otağındakı bir çox insan da bu fikri bölüşür. Kilian da Arbeloaya qarşı narazılıq hiss edir, çünki o, son “el klasiko”da start heyətində oynayacağını gözləyirdi, amma Arbeloa ona ehtiyat oyunçu olacağını demişdi ki, bu da zədədən sonra start heyətində olan Kurtua ilə baş verənlərin tam əksidir”.

Mbappe ilə Vinisius arasındakı münasibətlərin ən pis həddə çatdığı vurğulanır. Hər iki oyunçu “Real Madrid”də lider olmaq istəyir.

Xabi Alonso komandanı 2025-ci ilin yayından 2026-cı ilin yanvarına qədər çalışdırıb.

Müəllif: Tural