Bütün dövrlərin ən yaxşı məşqçisi - Runi deyir ki…

İngiltərə millisinin və “Mançester Yunayted”in keçmiş futbolçusu Ueyn Runi bütün dövrlərin ən yaxşı məşqçisinin adını açıqlayıb.

Publika.az xəbər verir ki, BBC Runinin sözlərini sitat gətirib:

“Aleks Ferqyusonla çoxlu müqayisələr görmüşəm. Deyə bilərəm ki, Ferqyuson bütün dövrlərin ən yaxşı məşqçisidir, amma Pep, şübhəsiz ki, böyük fərqlə öz nəslinin ən yaxşısıdır.

10 ildir ki, insanların Qvardiolanın sədaqəti haqqında danışdıqlarını görmüşəm və bu, inanılmazdır, amma Ferqyuson 26 il kluba sadiq qalıb. Həqiqətən də bu müddətə fikir versəniz, bir klubda 26 il keçirmək tamamilə heyrətamizdir.

Ser Aleks “Mançester Yunayted”ə gələndə vəziyyət tamamilə fərqli idi. O, klubu İngiltərə futbolunda uğurlu bir qüvvəyə çevirmək üçün praktik olaraq sıfırdan yenidən qurmalı idi, halbuki Pepin buna ehtiyacı yox idi”.

Ferqyuson futbol tarixinin ən çox mükafat qazanan məşqçilərindən biri hesab olunur. O, İngiltərə və Şotlandiya Futbol Şöhrət Zallarına, daxil edilib və karyerası ərzində 49 kubok qazanıb.