PSJ məhz bunu etdi – “Bayern”in əfsanəsi nəyi deyir?

“Bavariya”nın müşahidə şurasının üzvü Karl-Haynts Rummenigge PSJ-nin UEFA Çempionlar Liqasının finalında “Arsenal” üzərində 1-1 (penaltilərdə 4-3) qələbəsini şərh edib.

Publika.az xəbər verir ki, “Bayern & Germany” Rummenigenin sözlərini sitat gətirib:

“PSJ turnirdə haqlı olaraq qalib gəldi, çünki onlar “Bayern”lə birlikdə Çempionlar Liqasının ən möhtəşəm futbolunu oynadılar. Futbol bir oyundur və əyləncəli olmalı, insanlara sevinc bəxş etməlidir. PSJ məhz bunu etdi.

“Bayern” üçün dərs budur ki, transfer bazarında ən çox pul xərcləmək yox, ən ağıllı olmaq lazımdır. PSJ yalnız bahalı ulduzlar toplusundan əsl komandaya çevrildikdən sonra həqiqətən uğur qazandı. Həmçinin daim müəyyən ingilis və ya ispan klublarına diqqət yetirməyə ehtiyac yoxdur. Bizim əla məşqçimiz və aydın idman vizyonumuz var və biz bu yolda Vinsent Kompani ilə ardıcıl, qətiyyətlə davam etməliyik. Mənim üçün bu Çempionlar Liqası mövsümünün ən yaxşı və ən möhtəşəm matçı, şübhəsiz ki, Parisdə 4-5 hesablı yarımfinalımız oldu. Bu, ən yaxşı futbol idi. Budapeştdə Luiş Fiqudan tutmuş UEFA prezidentinə qədər bir çox insan bunu mənə təkrarladı”.