Masaj terapevti Maradonanın son günlərindən DANIŞDI

Dieqo Maradonanın masaj terapevti Nikolas Taffarel argentinalı futbolçunun ölüm səbəbləri ilə bağlı məhkəmədə çıxış edib və onun həyatının son günləri barədə təfərrüatları açıqlayıb.

Publika.az xəbər verir ki, bu barədə AFP məlumat yayıb.

Taffarel iclasda bildirib ki, Maradona vəfatından bir gün əvvəl demək olar ki, çarpayıdan qalxmayıb və güclü ödemlərdən əziyyət çəkib. O, futbolçunun yeməkdən imtina etdiyini, otaqdan çıxmaq, çimmək və şəxsi gigiyenasına riayət etmək istəmədiyini söyləyib. Masaj terapevti onu çölə çıxmağa və bir az içki içməyə dilə tutmağa çalışıb, lakin Maradona heç nə istəmədiyini bildirib.

Taffarel həmçinin qeyd edib ki, o, həkimlər heyətinin diqqətini idmançının ayaqlarındakı ödemə cəlb edib. Onun sözlərinə görə, Maradonanın ayaqları güclü şəkildə şişmişdi, lakin həkimlər masaj terapevtini əmin etmişdilər ki, bu əlamətlər keçib gedəcək. Buna baxmayaraq, futbolçunun səhhətində heç bir yaxşılaşma baş verməyib.

Xatırladaq ki, Maradona 2020-ci il noyabrın 25-də 60 yaşında vəfat edib. Ölümün səbəbi ağciyər ödeminə səbəb olan kəskin ürək çatışmazlığı olub.

Hüseyn İbadlı