UEFA İnfantinonun sevgilisinə nə qədər pul ödəyib? - Məbləğ açıqlandı

UEFA-nın hazırda FIFA-ya rəhbərlik edən Canni İnfantinonun sevgilisi olduğu iddia edilən qadına ödədiyi məbləğ açıqlanıb.

Publika.az xarici mediaya istinadən xəbər verir ki, qurum həmin qadına 150 min funt sterlinqdən çox kompensasiya ödəyib.

Canni İnfantinonun sevgilisi olduğu ehtimal edilən qadın 2011-ci ildə UEFA-dan ayrıldıqdan sonra təşkilatdan 150 min funt-sterlinqdən (175 min avro) çox kompensasiya alıb.

Bu məbləğə, xüsusilə, biznes məktəbində MBA proqramı üzrə təhsil xərcləri daxil olub. Bundan əlavə, qadının UEFA-da işlədiyi dövrdə maaşı təxminən 25 min funt sterlinq (29 min avro) artıb. Bu artım onun İnfantino ilə münasibətdə olduğu müddətdə inzibati vəzifədən rəhbər vəzifəyə keçirilməsindən sonra baş verib.

Daha əvvəl UEFA-nın hazırda FİFA prezidenti olan İnfantinonun təşkilatda baş katib vəzifəsində çalışdığı dövrdə onun sevgilisi olduğu ehtimal edilən qadına altı rəqəmli kompensasiya ödədiyi barədə məlumat yayılmışdı. Bununla əlaqədar UEFA İnfantinonun təşkilatda çalışdığı 16 il ərzindəki fəaliyyətinin araşdırılması imkanını nəzərdən keçirir.

Publika.az