Messi vida üçün milliyə çağırıldı

“İnter Mayami”nin hücumçusu Lionel Messi Argentina millisinin yoldaşlıq oyunları seriyası üçün heyətinə daxil edilib.

Publika.az xəbər verir ki, yığma sentyabrın 30-da Boliviya, oktyabrın 3-də Burkina-Faso və oktyabrın 6-da Benin komandaları ilə qarşılaşacak. Beninlə matçın Messi üçün vidalaşma oyunu olacağı gözlənilir. Futbolçunun yolasalma mərasiminin Buenos-Ayresdəki “Monumental” stadionunda təşkili planlaşdırılır.

Avqustun 31-də Messi Argentina millisindəki karyerasını başa vurduğunu rəsmi olaraq elan edib. Hücumçu 2005-ci ilin avqustundan çıxış edib və bu müddət ərzində 207 matç keçirərək 125 qol vurub və milli komandanın tarixinin ən yaxşı bombardiri olub.

2026-cı il dünya çempionatında Messi səkkiz qol vurub və hesabında on qol olan Kilian Mbappeden sonra ikinci mövqedə qərarlaşıb. 2026-cı il futbol üzrə dünya çempionatının finalında İspaniya millisi Argentina komandasını 1:0 hesabı ilə məğlub edib. Görüşün əsas vaxtı heç-heçə (0:0) başa çatıb, ikinci əlavə vaxtda isə “Barselona”nın 26 yaşlı hücumçusu Ferran Torres yeganə qolun müəllifi olub.

“İnter”ə qədər Messi Fransanın “Paris Sen-Jermen” və dörd dəfə Çempionlar Liqasını, həmçinin üç dəfə UEFA Superkubokunu və klublararası dünya çempionatını qazandığı İspaniyanın “Barselona” klubunda çıxış edib.

Hüseyn İbadlı