Milyonlarla insan "Windows"u yeniləməkdən imtina etdi

Dünyadakı fərdi kompüterlərin (FK) təxminən yarısı “Windows 10” əməliyyat sistemi ilə işləməyə davam edir.

Publika.az xəbər verir ki, bu barədə “Computer World” məlumat yayıb.

ABŞ-ın iri kompüter istehsalçıları "Dell" və "HP" şirkətlərinin rəhbərləri fərdi kompüter bazarındakı tendensiyaları müzakirə ediblər. Konfrans zamanı tərəflər belə qənaətə gəliblər ki, dünyada kompüterlərin təxminən 50 faizi oktyabrda dayandırılacaq.

HP-nin baş direktoru Enrike Lores istifadəçilərin "Windows"un yeni versiyasına miqrasiya prosesini şərh edərkən deyib: “Biz əvvəlki illərin rəqəmlərindən geri qalırıq”.

Loresin sözlərinə görə, kiçik və orta şirkətlər yeni fərdi kompüterlər almaq zərurəti və ya yeni funksiyaların olmaması səbəbindən "Windows 11"ə keçməkdən çəkinirlər.

"Dell"in əməliyyatlar üzrə baş direktoru Jeff Klark bildirib ki, "Windows 11"ə nisbətən aşağı maraq səbəbindən yeni kompüterlərə tələbat yaxın bir neçə il ərzində genişlənəcək.

"Dell" və "HP" həmçinin süni intellekt (AI) imkanlarına malik kompüterlərə marağın artdığını təsdiqləyib və qeyd ediblər ki, belə fərdi kompüterlər süni intellekt prosessorları olmayan qurğulardan 5-10 faiz bahadır.

Adəm