Madonna, Rihanna, Ronaldo, Messi... Ulduzların İLLİK QAZANCI

“Forbes” dünyada ən çox qazanan ulduzların adlarını açıqlayıb.

Publika.az jurnala istinadən xəbər verir ki, amerikalı müğənni Teylor Svift "Forbes"in ən yüksək ödənişli ulduzlarının reytinqinə başçılıq edib. Onun son 1 ildəki gəliri 170 milyon dollar təşkil edib. Bu da 3 dəfə artım deməkdir. İkinci yerdə analoji dövrdə 110 milyon dollarla "One Direction" qrupu gəlir. Üçüncü sıranı 95 milyon dollarlıq gəlirlə yazıçı Ceyms Patterson zəbt edib. Dördüncü yeri "Real Madrid" klubunun və yenicə Avropa çempionu olmuş Portuqaliya yığma komandasının futbolçusu Kriştianu Ronaldo ilə psixoloq Fil Makqrou bölüşüb. "Forbes"in hesablamasına görə, hər iki şəxs son ildə 88 milyon dollar gəlir əldə edib.

Siyahıda ən gəlirli məşhurlardan biri də teleaparıcı Hovard Sterndir. O, 85 milyon dollar gəlir əldə edib. Futbolçu Lionel Messi 81,5, müğənni Adel 80,5, Raş Limbo 79, Ceyms Lebron 77, Madonna 76,5, Ellen Dedjeneres 75, Rihanna 75, Qart Bruks 70, Roje Federer 68 milyon dollar gəlir əldə edib.

İqtisadiyyat şöbəsi