"Nvidia"nın “qızıl qandalları”: İşçilər milyonçu olmaq xatirinə nələrə dözürlər?

Dünyanın ikinci ən böyük şirkəti olan "Nvidia"da çalışanların böyük əksəriyyəti (78%-i) dollar milyonçusudur.

Publika.az xəbər verir ki, "Tech4Gamers" bu işçilərin “qızıl qandallar”ı olduğunu yazır. Belə ki, onlar qazandıqları böyük sərvəti çətin iş şəraitinə borcludurlar. Onların bir çoxu uzun iş saatlarından narazıdır, lakin yüksək maaşlara görə işləməkdən imtina edə bilmirlər.

2019-cu ildən bəri "Nvidia"nın səhmlərinin qiyməti 3,776% artıb. Bu isə şirkətin qiymətli kağızları şəklində bonuslar alan işçilərin sərvətinin kəskin artmasına səbəb olub. "LinkedIn"ə görə, hər iki "Nvidia" işçisindən biri 25 milyon dollardan çox səhmə sahibdir.

Ancaq işçilər 7 günlük iş həftəsindən, gecələr saat 2-yə qədər işləməkdən, gərgin iclaslardan və iş saatlarına rəhbərliyin ciddi nəzarətindən olduqca narazıdırlar. Bu, "qızıl qandallar" işçilərin psixi sağlamlığına və şəxsi həyatına mənfi təsir göstərə bilir.

Qeyd edək ki, buna baxmayaraq, "Glassdoor"un "İşləmək üçün ən yaxşı yerlər 2024" siyahısında "Nvidia" ikinci yeri tutur.

Ləman