Magazin1

Elgiz: “İlqar Xəyalın vəziyyəti pisdir, onu qollarında apardılar”

15 Sentyabr 2015 18:15

Müğənni İlqar Xəyal bu gün doğum gününü canlı yayımda qeyd edib.

Publika.az xəbər verir ki, ANS telekanalında qonaq olan ifaçı onun üçün hazırlanan sürprizdən sevindiyini də gizlətməyib: “Mənim üçün gözlənilməz oldu. Bilirdim ad günümü burada qeyd edəcəyəm. Amma tort gözləmirdim. Bütün kollektivinizə təşəkkür edirəm. Çox sağ olun”.

Daha sonra isə teleaparıcı Elgiz Əkbər müğənni ilə bağlı gizli bir məqamı danışıb: “Ötən mövsüm İlqar Xəyal canlı yayımda qonağım idi. Adını elan etdim, ancaq səhnəyə çıxmadı. Fikirləşdim ki, bəlkə, texniki problem var. Ona görə çıxmır. Bir də elan etdim. Yenə gəlmədi. Sonra gördüm ki, İlqar Xəyalın vəziyyəti pisdir, onu qollarında aparırlar. Ajiotaj olmasın deyə, efirdən heç nə demədim. Sonra öyrəndim ki, İlqar yüksək təzyiqdən əziyyət çəkir”.

İsa Şükürov