Magazin1

Xalq artisti: “Pula görə hər təklifə “hə” desəm…”

21 Noyabr 2015 17:44

“Heç vaxt maddiyyata görə, layiq olmadığım rola çəkilib, özümü gözdən salmaram. Çünki tamaşaçılarım məni hər zaman səviyyəli, sanballı obrazlarla tanıyıb və sevib. Qazandığım tamaşaçı rəğbətini bir günün içində itirmək istəmirəm”.

Bu sözləri Publika.az-a xalq artisti, tanınmış aktyor Rafiq Əzimov söyləyib.

Filmlərə çəkilmək arzusunda olan aktyor gözlədiyini deyib:

“Bu gün seriallar çəkilir, məni də dəvət edirlər. Amma özümü o rollarda görə bilmirəm. Sanballı ssenarilər yazılsa, yaşıma, sənətimə uyğun gələn obrazlar olsa, təklifi dəyərləndirərəm. Yoxsa ki, pula görə gedib hansısa səviyyəsiz rolda görünüb, sonradan xəcalət çəkmək istəmirəm. İstəyirəm, tamaşaçımın xəyalında necə varamsa, elə də qalım. Yaşımın və sənətimin elə bir mərhələsindəyəm ki, hər təklifə, hər zəngə “hə” cavabı verə bilmərəm”.

Cəvahir Səlimqızı