Teomanın Sevgililər günündə Bakıdakı konsertindən GÖRÜNTÜLƏR - - FOTO/VİDEO

Ötən gün türkiyəli müğənni Teoman "Sevgililər günü"nə özəl olaraq paytaxt klublarının birində səhnə alıb.

Publika.az xəbər verir ki, konsertdən öncə jurnalistlərin qarşısına keçən Teoman onların suallarını cavablandırıb.

Sənətçi bildirib ki, Bakıya ilk gəlişidir və yenidən gəlməyi düşünür: "Bakıya ilk gəlişimdir. Amma danışıqlar gedir, yenidən gəlməyi fikirləşirəm. Azərbaycanda bu qədər sevildiyimi bilmirdim. Həmişə köməkçim deyirdi ki, azərbaycanlı dinləyicilərdən ya İnstaqram hesabına, ya da poçtumuza çox sayda məktublar gəlir. Amma düzü bu qədər olacağını bilmirdim. Mənə dedilər konsertə bilet satışı bir neçə həftə əvvəldən bitib. Bunu eşidəndə çox sevindim".

Teoman konsertin Sevgililər Gününə təsadüf etməsinə də açıqlama verib: "Əslində, mənim üçün özəl günlərin heç bir anlamı yoxdur. Yəni, Sevgililər Günü və ya Yeni il, fərq etməz, bu günləri önəmsəmirəm. Amma dinləyicilər üçün önəmli olduğu üçün biz də bu günlərdə çox konsertlər veririk".

Səhnəyə çıxan Teoman fanatlarının sevgisi ilə qarşılaşıb və bundan çox təəccüblənərək "Kaş ki, bütün konsertlərim belə olsa" deyib.