Magazin1

Məşhur müğənni at belində şou göstərdi - FOTO

6 İyul 2020 13:36

Müğənni Rəsul Əfəndiyev yeni fotosessiyasını təqdim edib. Sənətçi fərqli obrazda fotoqraf Toğrul Qurbanovun kamerası qarşısına keçib.

Publika.az xəbər verir ki, R.Əfəndiyev at sürmək arzusunu fotolayihə ilə həyata keçirdiyini bildirib:

“Birdən elə bilərsiniz ki, bu İndiana Consun macəralarıdır, elə deyil! At sürməyi öyrənmək çoxdandır ki, arzum idi. Dünyanın ən vəfalı heyvanlarından biri olan atla hər zaman dostluğa can atmışam. Lakin işlər imkan vermirdi. Karantin dövrü yaranan vaxt fürsətdən istifadə edərək bu arzumu reallaşdırdım. Atla dostluğumuzu da tarixə həkk etdiyi üçün yaradıcı qrupumuza təşəkkürlər”.

Qeyd edək ki, Rəsulun obrazı üzərində stilist Leyli Məmmədova çalışıb, qrimini isə Elnur Talıbov edib. Layihənin prodüseri Azər Kərimovdur.