Magazin1

Elnur Hüseynov azərbaycanlıların İzmirdə keçirdiyi aksiyada – FOTO

23 İyul 2020 17:02

Can Azərbaycan Platforması üzvləri İzmirdə Ermənistanın Azərbaycana etdiyi hücumlara qarşı etiraz aksiyası keçirib.

Publika.az xəbər verir ki, əllərində Türkiyə və Azərbaycan bayraqları olan iştirakçılar Konakdakı Saat Qülləsi qarşısında toplaşıb. Aksiyaçılar arasında “O Səs Türkiyə” mahnı müsabiqəsinin qalibi, təkrarolunmaz səs sahibi müğənni Elnur Hüseynov da olub. Azərbaycan Ordusuna dəstək məqsədilə keçirilən yürüşdə iştirak edən sənətçi ermənilərin Azərbaycan ərazisinin 20 faizini işğal etdiyini deyib:

“Azərbaycan bu problemi sülh yolu ilə həll etmək istəyir, təəssüf ki, Ermənistan razılığa gəlmir”.

Sənətçi ermənilərin Tovuz rayonunda təxribatçı hücumlarını pisləyib və hər zaman Azərbaycan əsgərinin yanında olduğunu vurğulayıb. Elnur “Stop armenian agression” (Erməni təcavüzünə son) plakatı qaldırıb.