Gülnarə Xəlilova yerli marka ilə əməkdaşlığa başladı

Azərbaycan Milli Geyim Mərkəzinin rəhbəri, modelyer-dizayner, teatr və kino rəssamı, sənətşünaslıq üzrə fəlsəfə doktoru, Azərbaycanda Qadın Sahibkarlığının İnkişafı Assosiasiyasının (AQSİA) Sosial Məsələlər Komissiyasının rəhbəri Gülnarə Xəlilova “Yerli Souvenirs” markası ilə əməkdaşlığa başlayır.

Publika.az xəbər verir ki, brendin əsas məqsədi Azərbaycanın milli elementlərini əks etdirən məhsulların istehsalıdır. “Yerli Souvenirs” geniş çeşid, keyfiyyətli xidmət və münasib qiymətləri ilə seçilir. Mağazalarda yalnız paltar deyil, digər əşyalar da tapa bilərsiniz - fincanlar, yastıqlar, maqnitlər və s. Marka peşəkar dizaynerlərin cəlb olunduğu geyim kolleksiyasını genişləndirməyə davam edir. Bu ildən etibarən məşhur azərbaycanlı dizayner Gülnarə Xəlilova Yerli Souvenirs” markası ilə əməkdaşlığa etməyə razı olub.

Qeyd edək ki, moda ustası dəfələrlə çoxsaylı beynəlxalq mükafatlara layiq görülüb, işləri müxtəlif moda həftələrində, festivallarda və layihələrdə nümayiş olunub. Bundan əlavə, milli geyim tariximizə dair bir neçə kitabın və kataloqun müəllifidir.