Yaradıcılığımı dondurmuşam - Namiq Qaraçuxurlu

Namiq Qaraçuxurlu onu efirlərə, müsahibələrə dəvət etmək istəyən media orqanlarına instaqramda videomüraciət ünvanlayıb.

Publika.az xəbər verir ki, tanınmış meyxanaçı fəaliyyətini uzun müddət dondurmağa qərar verdiyini deyib.

“Zənglər gəlir, hər kəsə fikrimi izah etmişəm. Həm hər gün müxtəlif verilişlərin prodüserləri, aparıcıları zəng vurur, həm də pərəstişkarlar narahatdır. Bəzən telefona cavab verməyə utanıram, ortada anlaşmazlıq yaranır. Efirə çıxmamağımın səbəbi nə ulduzluq, nə də tənbəllikdir.

Ölkədə müharibə olub, şəhid ailələri qan ağlayır, qazilərimiz, şəhidlərimiz var. Düşünürəm ki, indi mənim də gündəmimdə məşhurluq və yaradıcılıq deyil. Sosial şəbəkələri izləyirəm, görürəm ki, nələr yazırlar. Bəzən özləri əyləncə paylaşır, amma müğənnini qınayırlar. Ümumilikdə, millət haqlıdır. Gündəm sənətçilər deyil. Efirdə görünənlər məni doğru anlasınlar. Kaş məndə də o güc olardı. Hər kəsin öz düşüncəsi var. Söhbət məndən gedirsə, televiziyada çalışanlarla aramda problem yaranır. Yaradıcılığımı dondurmuşam”.