Məşhurla nişanlanan aktrisa sevginin reseptini yazdı

Sevgi bir günə sığmır axı... Sevgi ildə bir gün sübut olunmur axı. Sevginin rəngi, ətri, forması hər kəs üçün fərqlidir, amma ortaq olan bir cəhəti var - əsl sevgini hər gün hiss edirsən və hiss etdirirsən.

Publika.az xəbər verir ki, bu sözləri aktrisa Aydan Axundzadə instaqramda nişanlısı Çingiz Əhmədlə paylaşdığı fotoya yazıb. Sevgililər Günü münasibəti ilə nişanlısına olan duyğularını sətirlərə tökən aktrisa sevginin reseptini bölüşüb:

“Ən dadlı tikəni gizlincə bir-birinizə ötürməkdi sevgi. Hər şeyi onunla bölüşmək istəyidir sevgi. Əlindən tutanda özünü təhlükəsizlikdə hiss etməkdi sevgi. Onun vərdişlərini, bəyəndiyi və bəyənmədiyi şeyləri, iş qrafikini, nəyə allergiyası olduğunu və bu cür xırda nüansları özündən də yaxşı bilməkdi sevgi. Sevgi zaman kəsiyinə yerləşmir. 1 ay, 1 il, 10 il - istifadə və tükənmə müddəti yoxdur sevginin. 10 il sonra belə ilkgünkü kimi həyəcanla görüşü gözləməkdi sevgi.

Həmişə sevgi ilə dolu olun - həm qəlbiniz, həm ətrafınız”.