• USD 1,7000 0,00% EUR 1,9689 -0,24%
    • GBP 2,3344 +0,32% RUB 0,0239 +0,42%

Əməkdar artist 30 il sonra şəhid həyat yoldaşının məzarını ziyarət etdi: KÖVRƏK ANLAR - FOTO

  • Magazin1
  • 27 Sentyabr 2021 11:50
  • 2 851 Baxış
Əməkdar artist 30 il sonra şəhid həyat yoldaşının məzarını ziyarət etdi: KÖVRƏK ANLAR - FOTO

Bu gün Böyük Qələbəyə gedən yolun başladığı gündür. Düz 30 il əvvəl 1-ci Qarabağ müharibəsində vətən, torpaq deyərək canını qurban edən Daxili İşlər Nazirliyinin zabiti, Cəbrayılımın igid oğlu Zahid Əhmədovun ruhu şaddır. Düşmən tərəfindən dağıdılmış müqəddəs ziyarətgahda məzarını tapdım.

Publika.az xəbər verir ki, bu sözləri Əməkdar artist Gülüstan Əliyeva deyib.

Müğənni bildirib ki, məzarlığı tamamilə dağıdılmış vəziyyətdə görüb:

“Hər yer şumlanıb, baş daşları dağıdılmasına baxmayaraq, çətinliklə olsa da, həyat yoldaşımın məzarını tapdım. Sonuncu dəfə Cəbrayıl işğal olunmazdan bir neçə ay əvvəl, 1993-cü ilin 20 yanvarında məzarı ziyarət etmişdim. 1991-ci il sentyabrın 17-də dəfn olunub. Uzun illər keçsə də, bu günə şükür edirəm. Getdim və qəbrini tapa bildim, dualar oxuyub 31 ilin nisgilini üzərimdən ata bildim. İllərdir çiynimdə ağır bir yük daşıyırdım, gedə bilmirdim, bu, ürəyimdə bir dağa çevrilmişdi.

Bu gün müharibənin başlamasının ildönümü və böyük qələbəyə gedən yolun başlanğıc günüdür. Şəhidlərimizin ruhunun qarşısında baş əyir və qürurla anırıq. Əlbəttə ki, artıq onun da ruhu şaddır. Artıq biz bu günü azad Qarabağımızda qeyd edirik. Bunun üçün Ali Baş Komandan başda olmaqla bütün şəhid və qazilərimizə minnətdarıq. Bu qələbə Birinci Qarabağ müharibəsində şəhid olub məzarı orada qalan ailələrə çox böyük bir sevinc bəxş etdi”.

Qeyd edək ki, Zahid Əhmədov 17 sentyabr 1991-ci ildə Xocavənd rayonu ərazisində düşmən tərəfindən quraşdırılmış minaya düşərək şəhid olub.

Aytən Məftun

Halal Nemət

Xəbər lenti

DAHA ÇOX XƏBƏR