Elnarə jurnalistlərə qadağa qoydu

Gördüyüm bu boyda işlər, layihələr, hazırladığım tələbələr, oxuduğum mahnılar, kliplər - qısacası, gördüyüm işlər sanki heç kimə maraqlı deyil. O boyda verilişdən saytların çıxardığı başlıqlara baxın. Elnarə 5-ci uşağı gözləyir. Röya və Natavana bunu dedi. Ərim mənə motal deyir. Yəni yaradıcılığımla bağlı heç nə yazmaq olmazdı?

Publika.az xəbər verir ki, bu sözləri müğənni Elnarə Xəlilova instaqramda yazıb. Bu yaxınlarda Natavan Həbibi və Röya Ayxan haqqında səsləndirdiyi fikirlərlə gündəmə gələn E.Xəlilova açıqlama yayıb. O, jurnalistlərə həmkarları haqqında danışmağı qadağan edib:

“Mən heç qızlarda da günah görmürəm. Axı niyə o boyda verilişdən ancaq mətbəx və qeybəti başlıqlara çıxarırlar, ona məəttələm. Ona görə də heç bir verilişə getmirəm. Günah özümdədir. Gərək bu verilişə də getməyəydim. Bütün yaradıcılığımdan başqa ağzımdan çıxardığım mətbəx sözlərini çap edən mətbu orqanlar, bundan sonra sizə Natavan Həbibi və Xalq artisti Röya Ayxan haqqında mənə sual verməyi qadağan edirəm”.

İfaçı Natavan Həbibi isə bu məsələlərə “Bir bizi də yadından çıxarsa idi”, daha sonra isə “Budurmu məhəbbət payım” şərhini yazıb. Elnarə həmkarını cavabsız qoymayıb. O, “Hər zaman yadımdasınız” şərhini yazıb.