İstanbulda Füzuli gecəsi təşkil olundu - FOTO

Əməkdar artist Nuriyyə Hüseynova İstanbulda keçirilən Zəfər günü ilə əlaqədar olaraq Məhəmməd Füzuli poeziya gecəsində iştirak edib.

Publika.az xəbər verir ki, “Füzulidən qəzəllər” adlanan tədbirdə həm dahi şairin qəzəlləri, həm də mahnılar səsləndirilib.

Əməkdar artist bildirib ki, tədbir İstanbul şəhər bələdiyyəsinin dəstəyi ilə həyata keçirilib. Güney Azərbaycandan isə muğam müsabiqəsinin qalibi Nasir Atapur qatılıb. Sənətçilər həm Füzuli kontatasını oxuyub, həm də "Bayatı Şiraz" muğam dəstgahını ifa ediblər. Ən sonda xalq mahnılarına yer verilib.

“Bu işlərdə illərdir əməyi olan, Azəraycan tar sənətini və milli musiqisini yayan, təbliğatını aparan TRT sənətçisi Növcavan bəyə təşəkkür borcumuz var. Çünki bu tədbir onun istəyi ilə həyata keçirildi. Türkiyənin digər şəhərlərində də bu kimi konsertlərlə çıxış etməyi düşünürük. Bu kimi tədbirlərin xüsusilə işğaldan azad olunmuş rayonlarımızda da təşkil olunmasını planlaşdırırıq”, - Əməkdar artist qeyd edib.