Magazin1

Elnarə: “Sevdiyinizdən əl çəkməyin”

18 Fevral 2022 12:15

Bəzən gözün ayağının altını da görməlidir. Ağac bar verdikcə başını aşağı əyər. Bu həyatda hər şey nisbidir. Yaxşılıq da, pislik də. Eybəcərlik və gözəllik də. Hündürlük və alçaqlıq da. Və hər şey müqayisədə bilinir.

Publika.az xəbər verir ki, bu sözləri müğənni Elnarə Xəlilova instaqramda yazıb.

Yeni klipini izləyicilərinə təqdim etməyə hazırlaşan sənətçi mənəvi dəyərlərin insan həyatında rolundan söz açıb:

“Pisin də pisinə rast gələndə anlayırsan dəyərini. Yaşadığınız hər anın dəyərini bilin. Heç kimə görə yox, özünüzə görə yaşayın ilk növbədə. Əvvəlcə özünüz, sonra başqaları. Yersiz fədakarlıqlar etməyin. Sonra da o fədakarlıqlara görə özünüzü danlamayın. Hər zaman başı uca olun və hamının gözünə dik baxmağı bacarın. Həyat deviziniz böyüklük olsun. Ucundan tutub ucuzluğa getməyin. Bir dəfə sevdinizsə, sevdiyinizdən əl çəkməyin. Həyatı doya-doya yaşayın. Hər anın dadını çıxarmağı bacarın. Özünüzü sevin. Çünki siz hamıdan dəyərlisiniz”.