Fatimənin Canananı doğum günü məclisindən qovmasının SƏBƏBİ ÜZƏ ÇIXDI

Xəbər verdiyimiz kimi, Əməkdar artist Mətanət İsgəndərlinin keçmiş gəlini Canananı rəqqasə Fatimə Fətəliyevanın ad günü məclisindən qovdurması sosial şəbəkələrdə geniş müzakirə mövzusu olub.

Publika.az xəbər verir ki, sözügedən görüntülərdən sonra rəqqasə Fatimə instaqramda canlı yayım açaraq məsələyə aydınlıq gətirib:

"Ya Mətanət xanım, ya da ki, Canana oradan getməli idi. Mətanət xanıma böyük bir bacı kimi münasibət bəsləyirəmsə, necə ola bilər ki, Canana mənim ad günümdə iştirak etsin? O an Canananın yanına yaxınlaşdım, soruşdum ki, sizi bura mən dəvət etmişəm? Gülə-gülə biz çəkiliş heyətiylə gəlmişik cavabını verdi. Sual verdim ki, müxbirsən, yoxsa aparıcısan, çəkiliş heyətiylə mənim ad günümdə nə gəzirsən? Canana bunu qəsdən etdi ki, reklam olunsun, haqqında danışılsın və insanların ona yazığı gəlsin. Onu da deyim ki, çox şeyləri bilmirsiniz. Xanım o fikirlə gəlmişdi ki, özünə reklam qazansın və onu da bacardı. Halal olsun".

Qeyd edək ki, Canana Mətanət İsgəndərlinin oğlu Kərimlə ötən il rəsmi boşanıb. 3 uşaq əvvəlcə ataya verilsə də, Apellyasiya Məhkəməsi uşaqları anaya qaytarıb. Hazırda Kərim Ali Məhkəməyə müraciət edib.