Magazin1

Uşağınız həyatda olmayandan sonra... - Elnarə

7 May 2022 13:37

Əziz valideynlər, analar, atalar, bir valideyn kimi sizi çox gözəl anlayıram. Əziyyətimiz danılmazdır. Ancaq nə olar, sizə yalvarıram, uşaqlarınızın üzərinə getməyin. Onlara hər işlərində dəstək olmağa çalışın.

Publika.az xəbər verir ki, bu sözləri müğənni Elnarə Xəlilova sosial media hesabında paylaşıb.

Bir neçə gün əvvəl baş verən intihar hadisəsinin fotosunu paylaşan sənətçi valideynləri diqqətli olmağa səsləyib:

“Hər il buraxılış imtahanlarından sonra məktəblilər arasında intiharların sayı artır. Bu, yolverilməzdir. Sizin uşağınız həyatda olmayandan sonra onun təhsili kimə lazımdır? Olmasın ali savadlı. Peşə məktəbinə verin: aşpaz, dülgər, saç ustası, vizajist, dərzi, dəmirçi olsun - fərqi yoxdur, lap fəhlə olsun... Amma canı sağ, salamat, sağlam və xoşbəxt olsun. Qarşıdan qəbul imtahanları gəlir. Valideynlər oyansın, hamıya bu hadisələr görk olsun”.