Magazin1

Müharibəyə etiraz olaraq Rusiyanı tərk edən Puqaçovadan yeni qərar

17 May 2022 12:15

Rusiyanın Xalq artisti Alla Puqaçova payızda Rusiyaya qayıdacağını bildirib.

Publika.az xəbər verir ki, bu barədə o, “İzvestiya”nın müxbirlərinin sualını cavablandırarkən deyib.

“Bayramlar bitdi. Sentyabrın 1-də uşaqlar məktəbə getməlidir. İndi onlayn təhsil alırlar”, - sənətçi qeyd edib.

Puqaçovanı həyat yoldaşı teleaparıcı Maksim Qalkin müşayiət edib və o, həyat yoldaşına ünvanlanan suala münasibət bildirməyib.

Məlumat üçün bildirək ki, Alla Puqaçova və Maksim Qalkin Ukrayna ilə Rusiya arasında müharibə başlayandan sonra mövcud vəziyyətə etiraz əlaməti olaraq ölkəni tərk etməyə qərar verib. İfaçı bildirmişdi ki, həm də övladları ilə istirahət etmək, həmçinin sağlamlıqlarını yaxşılaşdırmaq üçün ölkəni tərk ediblər.