Flora Kərimova: ""Oliqarx ərim” dediyinin maşınından sürgün həyatının..."

Xalq artisti Flora Kərimova Ali Məhkəmənin qərarı ilə axtarışı qüvvədə qalan müğənni Afət Fərmanqızına ismarış göndərib.

Publika.az xəbər verir ki, Flora Kərimova "Instagram" səhifəsində bu sözləri yazıb:

"Bu da bir son, Afət, Ali Məhkəməyə kasasiya şikayətin də təmin olunmadı. Nə vaxta kimi özünü “haqlı” sayıb hər kəsi haqsız və məhkəmələri ədalətsiz hesab edəcəksən? Nə vaxta kimi üç aydan bir “oliqarx ərim” dediyinin maşınından sürgün həyatının “gözəlliyindən” video paylaşıb özünə təsəlli verəcəksən? Nə vaxta kimi toylar süfrəsinə möhtac qalıb reklamla paltar geyinəcəksən!? Maraqlıdır sadəcə.

Cavab verməyə bilərsən, çünki susmaq daha çox işinə yarayır. Təkrar edirəm sənə, məni heç yaxşı tanıtmadılar. Sən isə heç arif olmadın ki, deyilən sözdən nəticə çıxarasan. Qarşıdan gələn ad gününə hədiyyəni məndən gözlə. Qayıt Vətənə, rus pasportunu da gətir.

"Ad günü" demişkən, yadıma ad günümə sənin və Ülviyyən Alovlunun hazırladığı gecikmiş və uğursuz "təbrikiniz" düşdü. Çağrılan hər yerə "canla-başla gələn" Ülviyyəni məhkəmə yenə tapa bilmir və noyabrın 14-ü 5-ci dəfə məcburi gətirilmə ilə məhkəmə təyin olunub.

Çox qəribədir ki, bu üç ildə səni axtarıb tapa biləməyən polis 15 günə tapa biləcəkmi!? Ülviyyə, günəş tutulması da oldu. Sonra bilmədim demə! Və bir də heç bir dövlət qurumu nə jurnalist, nə publisist kimi səni tanımadığını Binəqədi rayon məhkəməsinə təqdim etdim".