Magazin1

Ləman Mərih: “Səhər təbrikləşdik, axşam cənazəni yumağa getdim”

6 Noyabr 2022 17:11

"Anamı elə qəflətən itirdim ki, buna hazır deyildim. Guya buna kimsə hazır olur ki? Bilmirəm, bəlkə də. İçimdə elə bir intizar var ki indi onu kiminsə ovutmasını istəmirəm, təsəlli istəmirəm, dəstək istəmirəm… Eləcə özüm üçün yaşamaq istəyirəm bu dərdi, heç kimə bildirmədən, heç kimlə bölüşmədən".

Publika.az xəbər verir ki, sözləri ötən ay öz doğum günündə anasının ölümü ilə sarsılan aktirsa Ləman Mərih sosial şəbəkədə yazıb.

“Yuğ” Dövlət Dram Teatrının aktrisası çətin bir dövrdən keçdiyini, dərdini heç kimlə bölüşmək istəmədiyini və anası üçün çox darıxdığını qeyd edib:

“Bölüşəndə azalır axı, istəmirəm. Azalmasın. Səhər təbrikləşdik, axşam cənazəni yumağa getdim. Anamı elə xatırlayıram. Birinci dəfə idi ali həqiqətlə bu qədər yaxın idim, fikirləşirəm ki, necə oldu ağlımı itirmədim? Görəsən o heç məndə olub nə vaxtsa? Bişirdiyi yeməyi ata bilmirəm… 40 gün olub. Onu bilirəm ki torpağın üzü soyuq deyil, qalanın da halına vay olur, ölənlə ölünür...”