Məşhur aparıcının səhhətində problem yarandı: "Hər şey yaxşı olacaq"

Tanınmış aparıcı və aktrisa Turanə Hüseynlinin səhhətində problem yaranıb.

Publika.az xəbər verir ki, bu barədə Turanə instaqramda məlumat yayıb və bildirilib ki, əməliyyat olunmalıdır:

"Yaşım gəncdir deyib sağlığınızı ehmal etməyin. Bu gün bir daha əmin oldum, problemin hər gec bilinən bir günü belə vacibdir. Ümumi yoxlanış və çek-up üçün İstanbula gəlmişdim. Müayinələrdən sonra həkim mənə bir prob olduğunu çatdırdı. Mən bununla bağlı əməliyyat olunmalıyam, kiçik bir əməliyyatdır. Hazırda türkiyəli uzmanlarla əməliyyatın burda, yoxsa Bakıda olunması ilə bağlı məsləhətləşirik. Sadəcə sarsıldım, çünki sağlığıma çox diqqət edən insanam. Ümumiyyətlə belə bir yerdən belə bir problemin yaranmasını gözləmirdim. Hər şey keçəcək, hər şey yaxşı olacaq".

Televiziya ulduzu problemini açıqlamasa da, şişlə bağlı olduğuna işarə vurub:

"Xüsusilə xanımlar döş və yumurtalıq xərçəngi ilə daha çox rastlaşırlar. Odur ki, döş xərçəngi ilə bağlı müayinələrinizi mütləq etdirin. Problemi öncədən bilmək onu daha tez aradan qaldırmağa kömək edir. Amma sonradan bilmək daha böyük fəsadlara gətirib çıxarır. Yumurtalıqları da eyni şəkildə. Ümumiyyətlə bütün gənc insanlar, "gəncəm" deyib müayinələrinizi ertələməyin".