Özcan Deniz təhdid olundu: "Ölməyə layiqsən..." - FOTO

Məşhur türkiyəli sənətçi Özcan Deniz ölümlə təhdid olunub.

Publika.az xəbər verir ki, o, evləndiyi həyat yoldaşı Samar Dadgar ilə birlikdə yaşadığı Sarıyerdəki villasının ev sahibi ilə mübahisə edib.

Belə ki, villanın bağbanı gözlənilmədən onların qapısını döyərək müğənnidən avtomobilini bağçanın qarşısından çəkməsini istəyib.

Ev sahibinin bağçada kanalizasiya quyusu qazmaq istədiyini öyrənən Özcan Deniz etiraz edib. Ona bu barədə öncədən məlumat verməli olduqlarını bildirib və maşını çəkməyəcəyini deyib.

Bu zaman ev sahibi onun yanına gələrək təhdid etməyə başlayıb. Nəticədə mübahisə alovlanıb.

Ev sahibi əsəbiləşib və sənətçini öldürəcəyi ilə təhdid edib.

“Ölməyə layiqsən, gedib maşınımdan silahımı götürəcəyəm, sən də get silahını götür”, - deyə o, müğənniyə hədə-qorxu gəlib.

Bu əsnada Özcan Denizin həyat yoldaşı evin pəncərəsindən telefonunu göstərib və baş verənləri lentə aldığını deyib. Bunu görən ev sahibi silahını götürmək fikrindən daşınıb və mübahisəni davam etdirib.

Özcan Dəniz və həyat yoldaşı hüquq-mühafizə orqanlarına ev sahibi haqqında şikayət ərizəsi veriblər. Məşhur sənətçi açıqlamasında ölümlə təhdid edildiyini, ailəsinin və özünün həyatının təhlükədə olduğunu bildirib.

Samar Dadgar da ifadəsində əlavə edib ki, əgər telefonu göstərməsəydi, ev sahibi silahını gətirəcəkdi.

Hadisə ilə bağlı araşdırmalara başlanılıb. (oxu.az)