Pərviz Qasımov "Sən gəlməz oldun" mahnısına Türkiyədə klip çəkdirdi - VİDEO

Tanınmış xanəndə yeni klipini təqdim etdi.

Publika.az xəbər verir verir ki, xanəndə Pərviz Qasımov bu dəfə fərqli repertuarla çıxış edib. Belə ki, o “Sən gəlməz oldun” mahnısına klip çəkdirib. Klipdə yer alan görüntülər İstanbulda baş verib.

Mahnının arenjemanı Taleh Ağayevə və Orxan Mirnatiqoğluya aiddir. Klipi isə İbrahim Bülbül çəkib. Onun rejissor işində əsas süjet xətti sevdiyi qadının yolunu gözləyən nakam sevgidən bəhs edib.

Sözləri Mədinə Gülgünə, musiqisi isə Ələkbər Tağıyevə aid olan mahnınıb böyük tarixi var. Belə ki, "Sən gəlməz oldun” Ələkbərin qardaşı oğlunun həyat yoldaşına həsr olunub. Qardaşı oğlunun həyat yoldaşı Sevda çox gözəl xanım idi. Uşağı olandan sonra gənc yaşda xərçəng xəstəliyinə düçar olur. Övladının heç bir yaşı olmamış dünyasını dəyişdi, Ələkbər də həmin dəfndə iştirak etmişdi. Bu hadisə, yas mərasimi ona elə təsir edir ki, evə gələn kimi bu mahnını bəstələyir. "Sən gəlməz oldun” mahnısı həmin gəlinə ithaf olunub.

Pərviz Qasımovun ifasında mahnıya yeni nəfəs gəlib.

Qeyd edək ki, bu mahnı bir müddət öncə ermənilər tərəfindən oğurlanıb, xalq mahnıları kimi təqdim edilmişdi.