Magazin1

"Televiziyaları elə rəzil hala salıblar ki..." - FOTO

30 Noyabr 2025 23:48

Xəbər verdiyimiz kimi, "Space TV"də yayımlanan "Tarixin bir günü" verilişində Firuzə Babayeva və Mehriban Qənbərova adlı ifaçılar arasında mübahisə düşüb, onlar bir-birinin ünvanına qeyri-etik ifadələr işlədiblər.

Publika.az xəbər verir ki, sosial şəbəkədə yayılan görüntülərə sənətçilər rəy yazıb.

Müğənni Nazim Pişiyarı həmin videoya "Bu biabırçılıqları audioviziual şura və aidiyyatı qurumlar görmürlər? Televiziyaları elə rəzil hala salıblar ki, savadlı, mədəni insanlar efirə çıxmaq istəmirlər. Sənətdən xəbəri olmayanlar bazar, küçə davranışları ilə millətin əsəbləri ilə oynayırlar" sözlərini yazıb.

Müğənni Elvin Abdullayev isə "Bazar burdan mədənidir. Bu, iyrənc görüntüdür. Televiziyalarımıza alqış. Bunlarla bağlı ölçü götürülməlidir, belə olmaz. Ailə, böyük, kiçik var. Heç hörmət, ədəb-ərkan qalmadı? Təəssüf..." sözlərini qeyd edib. (Axşam.az)