Magazin1

Sevgilisinin xəyanəti azərbaycanlı blogeri qəzəbləndirdi: "iPhone 17"ni sındırdı - VİDEO

1 Dekabr 2025 11:00

Azərbaycanlı sosial media fenomeni Fidan İlyaszadə şəxsi həyatına dair paylaşımı ilə gündəmə gəlib.

Publika.az xəbər verir ki, o, münasibətdə olduğu şəxsin evli və üç uşaq atası olduğunu öyrəndiyini bildirib.

Fidan həmin şəxsin ona aldığı mobil telefonu qıraraq bununla əlaqədar video yayımlayıb. Bloger əlavə edib ki, ondan aldığı zinət əşyalarını satacaq və əldə olunan vəsaiti yardıma ehtiyacı olan ailələrə bağışlayacaq:

"Çox rahatlatdı məni. Qızıl boyunbağ, bilərzik və sırğanı satıb yardıma ehtiyacı olan ailələrə verəcəyəm. Şərhləri bağlayıram, bu məsələ ilə bağlı daha müzakirə istəmirəm. Ölkədən gedib dincəlib, başımı toparlayıb səhifəyə qayıdacağam. Dəstəyiniz üçün çox sağ olun".

Gənc influenser bu davranışı ilə həm izləyicilərinin dəstəyini, həm də bəzilərinin tənqidini alıb. Fidan isə açıqlamasında "mənim hədiyyələrə deyil, dürüstlüyə ehtiyacım var" sözlərini qeyd edib.

Hadisə sosial şəbəkələrdə geniş müzakirəyə səbəb olub.(Milli.az)