Dmitri Medvedevdən həyat yoldaşından boşanma xəbərinə reaksiya
Bizi izləyin

Magazin2

Dmitri Medvedevdən həyat yoldaşından boşanma xəbərinə reaksiya

Dünən teleqram kanallarında Rusiya Federasiyasının keçmiş prezidenti, hazırda isə Təhlükəsizlik Şurası rəhbərinin müavini Dmitri Medvedevin həyat yoldaşı Svetlanadan boşandığı xəbəri müzakirə mövzusuna çevrilib.

Publika.az Rusiya mətbuatına istinadən xəbər verir ki, iddialara görə, keçmiş birinci xanım bu yaxınlarda siyasətçidən ayrılıb və başqa ölkəyə köçmək qərarına gəlib.

Məşhur Telegram kanalı “Antiqlyanets”in yazdığına görə, Svetlana və Dmitri Medvedev uzun müddətdir birlikdə yaşamırlar. Mənbənin sözlərinə görə, Rusiya Federasiyası Təhlükəsizlik Şurasının sədr müavininin nikahı sadəcə formal xarakter daşıyır. Ən maraqlısı odur ki, keçmiş prezidentin həyat yoldaşı hazırda vətənindən uzaqdadır. Svetlana Vladimirovnanın hazırda harda yaşadığı barədə məlumat verilməyib.

Digər teleqram kanalları bu xəbərin Dmitri Medvedevə qarşı planlaşdırılan hücuma bənzədiyini qeyd ediblər. Dmitri Medvedev bu cür şayiələrə münasibət bildirməsə də, bir neçə saat əvvəl telegram kanalında həyat yoldaşı ilə birlikdə rus xalqını Ailə, Sevgi və Sədaqət Günü münasibətilə təbrik edib. Lakin izləyicilər onun həyat yoldaşı ilə paylaşdığı videonun səmimiliyinə şübhə etdiyini yazıb.

Qeyd edək ki, Dmitri və Svetlana Medvedev eyni məktəbdə oxuyublar, 1993-cü ildə evləniblər. 1995-ci ildə onların İlya adlı oğlu dünyaya gəlib. O, bu yaxınlarda “Vahid Rusiya” partiyasına qoşulub. Bəzi məlumatlara görə, Medvedevin oğlu əvvəllər ABŞ-da yaşayıb.

Aytən Məftun

Oxumağa davam et
Reklam
Reklam

Gündəm