Magazin2

Kraliçanın qızları diqqət mərkəzində - FOTO

3 Avqust 2022 11:30

İspaniya kral ailəsi - kral VI Felip, kraliça Letisiya və onların qızları, şahzadələr Leonor və Sofiya tətilə çıxıblar.

Publika.az xarici mətbuata istinadla xəbər verir ki, ilk dayanacaq ailənin avqustun 1-də gəldiyi Mayorka adası olub. Burada onları zəngin proqram gözləyib: ailə 14-cü əsrə aid Valldemos monastırını və şəhərin digər görməli yerlərini gəzib və onları qarşılamağa gələn pərəstişkarları ilə görüşüb. Kral Filip həm də reqatada iştirak edib.

İctimaiyyət qarşısında kraliça Letisiya maksi yubka və qolsuz koftada, şahzadələr isə qısa sarafanlarda çıxıblar. 16 yaşlı Leonor ağ, 15 yaşlı Sofiya solğun çəhrayı sarafan seçib.

Yay tətili ailənin birlikdə olması üçün nadir fürsətdir, çünki Filip və Letisiyanın böyük qızı artıq bir ildir ki, Uelsdəki nüfuzlu internat məktəbində oxuyur və İspaniyaya nadir hallarda gəlir.