Məşhur aktyordan ŞOK: “Kadir İnanır uşaqlığımı yaşamağa qoymadı” - VİDEO

Aktyor Levent İnanır dayısı Kadir İnanır haqqında gözlənilməz etiraflar edib.

Publika.az Türkiyə mətbuatına istinadla xəbər verir ki, Gökay Kalaycıoğlunun yutubda yayımlanan “Haber bahane” verilişinin bu həftəki qonağı aktyor Levent İnanır olub. Atasını erkən itirdiyi üçün dayısı Kadir İnanırla böyüdüyünü deyən Levent İnanır 24 il bir evdə yaşadıqlarını deyib.

“Sonra hər gün birlikdə olduq. Mətbuatda haqqımda bir kəlmə belə yazılmayıb. Boşandığımdan 8 il keçdi, heç kimin xəbəri yoxdur. Bu da lazımsız xəbər deyildi. Başqaları boşananda bunu səs-küylə xəbər edirlər, onu da yalnız 5-6 nəfər oxudu. Bu, həm aldığım tərbiyədən, həm də dayım Kadir bəyə hörmətimdən irəli gəlir”.

Ömrünü Kadir İnanıra görə yaşadığını bildirən Levent İnanır belə davam edib:

“Bir dəfə hakim qarşısına çıxdım. Yanımda iki rejissor dava etmişdi, məni şahid kimi göstərdilər. Mən prinsiplərlə yaşayan insanam. Təbii ki, mənim də ziddiyyətlərim var idi, hər hansı davam ola bilərdi. Həmişə özümü idarə edə bilirəm. Hər addımımı dayımı düşünərək atırdım. Aman onun adına bir söz gəlməsin deyib addım atırdım. Uşaqlığımı sənə görə yaşaya bilmədiyimi dedim. Dayım heç vaxt belə bir şey istəməzdi. Tərbiyəm və ədəb-ərkanım bu şəkildə idi. Sanki ömrüm Kadir İnanıra həsr olunmuşdu. Peşman deyiləm, bu mənim taleyimdi. Belə yaşamaq lazımdır. İndiki ağlım olsaydı, aktyorluq etməyi düşünməzdim”.