Yeni Firdevs xanım o olacaq - FOTO

İllər əvvəl “Aşk-ı memnu” serialında oynayan aktrisa Nəbahet Çehrənin Firdevs rolunu bu dəfə eyniadlı filmdə aktrisa Hande Ataizi canlandıracaq.

Publika.az Türkiyə mediasına istinadən xəbər verir ki, layihədə Behlül rolunu oynamaq isə aktyor Boram Kuzuma təklif olunub. Madmazel obrazını isə Ebru Özkan Sabanın oynayacağı irəli sürülüb.

Qeyd edək ki, hadisələrin 1900-cü illərdə cərəyan edəcəyi layihədə Bihter obrazını Farah Zeynəb Abdullah, Nihal Ziyagil rolunu isə Helin Kandemir canlandırcaq.

Xatırladaq ki, 2008-2010-cu illərdə izlənmə rekordları qıran serialda Bihter obrazına Beren Saat həyat vermişdi. Nihal Ziyagili isə Hazal Kaya canlandırmışdı.

Onu da bildirək ki, “Aşkı Memnu” Halit Ziya Uşaklıgilin əsəridir. Əsərin ilk versiyası 1899-cu ildə “Servet-i Fünûn” dərgisində, daha sonra isə 1901-ci ildə kitab formasında təqdim olunub. Serialın ilk versiyası isə 1975-ci ildə çəkilib. 1 sezon yayımlanan ekran işi 6 bölümdən ibarət olub. Həmin serialda Bihter obrazını isə Müjde Ar canlandırıb.