Məşhur aktrisanın oğlu tədbirə ətəkdə gəldi - FOTO

Hollivud aktrisası Naomi Uottsun oğlu qısa jaket və ətəklə ictimaiyyət qarşısına çıxıb.

16 yaşlı Kay anasının baş rolda oynadığı "Dost" filminin premyerasında ona dəstək olmaq üçün gəlib. Aktrisa qırmızı xalçadan kadrları sosial şəbəkələrdə paylaşıb.

Publik.az xəbər verir ki, məşhurun oğlu model agentliyində çalışır. O, yaxınlarda "Valentino" dəb evinin nümayişində iştirak edib.

Yeniyetmə həmçinin baletlə də məşğul olur. Uotts qeyd edib ki, Kay onu yaradıcı potensialı ilə heyran edir və bu potensialın inkişafına kömək edir.

Ulduzun sözlərinə görə, onun uşağının qeyri-standart düşüncə tərzi və məqsədlərinə çatmaq üsulu xoşuna gəlir.

Qeyd edək ki, aktrisanın amerikalı aktyor Liv Şrayberdən iki uşağı var. Kaydan əlavə, onlar 17 yaşlı Aleksandr Pit adlı oğlan da böyüdürlər. Keçmiş ərinin sözlərinə görə, onlar 11 il birlikdə olublar və ayrıldıqdan sonra da yaxşı münasibətləri qoruyub saxlayıblar, buna görə də, dövri olaraq görüşür və oğlanlarla birlikdə vaxt keçirirlər. (Oxu.az)