“Qadınlar bəzən bir gündə 50 əsgərlə...” - 73 il sonra İLK GÖRÜNTÜLƏR

İkinci dünya müharibəsində yapon əsgərlər tərəfindən “seks köləsi” olmağa məcbur edilən koreyalı qadınların görüntüləri ABŞ arxivində tapılıb.

Publika.az xarici mediaya istinadən xəbər verir ki, ilk dəfə dərc olunan görüntülərdə qadınlardan birinin onları xilas edən Çin əsgəri ilə söhbət etdiyi görünür. Qadınlardan birinin hamilə olması diqqət çəkir.

Fotolar müharibənin hələ davam etdiyi 1944-cü ildə çəkilib. Çin və Amerika əsgərləri Yaponiyanın işğalı altında olan Songshan bölgəsini azad edəndə onların qarşılarına koreyalı qadınlar çıxır. Yeddi qadın yapon əsgərlər tərəfindən “seks köləsi” kimi istifadə olunan 200 minə qədər qadından yalnız bir neçəsi idi.

Uzun illər Yaponiyanın işğalı altında yaşayan Koreyada təxminən 200 min qadının “seks köləsi” olmağa məcbur edildiyi bildirilir. İkinci dünya müharibəsi illərində bir qadın bəzən gündə 50 əsgərlə cinsi əlaqədə olmağa məcbur edilirdi.

200 min qadının təxminən 80 faizi koreyalı idi. Tayvan, Filippin, İndoneziya, Birma və Sakit okeanda yerləşən bir sıra adalarda olan qadınlar da eyni faciəvi taleyi yaşayıblar.

Yaponiyanın müharibədə məğlub olması ilə bütün kölə qadınlar 1946-cı ildə azadlığına qovuşub.