Tarix

Ermənilərin arzusunu puç edən Nazim Hacıyev kimdir? - FOTO

12 İyul 2019 16:36

Azərbaycan Milli Elmlər Akademiyasının Mərkəzi Elmi Kitabxanasının (MEK) “Vikipediya” Metodik Mərkəzinin könüllüləri tərəfindən ingilisdilli “Vikipediya”da Nazim Hacıyev haqda yeni məqalə yaradılıb.

Publika.az-a bu barədə MEK-dən məlumat verilib.

Məlumatda bildirilir ki, Nazim Hacıyev xaricdəki erməni diasporunun, Ermənistan SSR rəhbərliyinin, habelə SSRİ rəhbərliyində özünə yuva qurmuş A.Mikoyanın təzyiqlərinə qarşı çıxış edərək, 1960-cı ilin dekabrında Sov.İKP MK-nın Rəyasət Heyətində və sonra – 1961-ci ildə Sov.İKP MK-nın Siyasi Bürosunda Dağlıq Qarabağın və Naxçıvanın tarixi və hüquqi cəhətdən Azərbaycana məxsus olduğunu əsaslandıraraq, həmin torpaqların Azərbaycan SSR ərazisində saxlanılmasına nail olub. Məhz buna görə həmin iclaslarda Mikoyan və Suslov onu “millətçilikdə” günahlandırıbılar.

İngilis dilində məqalədə Nazim Hacıyevin həyatı və siyasi fəaliyyəti haqqında geniş informasiya verilir. Məqalə ilə BURADAN tanış ola bilərsiniz.