Ordu hazır vəziyyətə gətirildi: bu gün MÜHARİBƏ ƏMRİ VERİLƏ BİLƏR

Ukrayna Silahlı Qüvvələri tam döyüş hazırlığına gətirilib.

Publika.az “Obozrevatel” nəşrinə istinadən xəbər verir ki, bu haqda Ukrayna ordusunun Baş qərargahının Feysbuk səhifəsində yerləşdirilən məlumatda deyilir.

Qərar Kerç boğazında Ukrayna gəmilərinə Rusiya tərəfindən atəş açılması ilə bağlıdır.

“Ukrayna Milli Təhlükəsizlik və Müdafiə Şurasının ölkədə hərbi vəziyyət elan edilməsi barədə qərarına əsasən, Ukraynanın Silahlı qüvvələrinin Baş Qərargahının rəisi Ukraynanın Silahlı qüvvələrinin tam döyüş hazırlığına gətirilməsi haqqında sərəncam verdi”, - xəbərdə deyilir.

Qeyd edilir ki, Rusiya xüsusi xidmət orqanlarının Ukrayna ərazisində digər provokasiya və destabilizasiya cəhdlərinin qarşısını almaq üçün əks-kəşfiyyat tədbirləri gücləndirilib.

Həmçinin, Ukrayna Təhlükəsizlik Xidmətinin şəxsi heyəti tam döyüş hazırlığına gətirilib çıxarılıb.

Xatırladaq ki, Ukrayna prezidenti Pyotr Poroşenko ölkədə hərbi vəziyyətin tətbiqi haqqında ideyanı dəstəkləyib. Bu gün Ali Rada növbədənkənar iclasında bu məsələyə baxacaq.

Xatırladaq ki, ötən gün Rusiya gəmiləri Kerç körfəzindən çıxan Ukrayna Hərbi-Dəniz Qüvvələrinə aid gəmi qrupuna atəş açıb.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Ömər Dağlı